Ministan Ci gaban Ma’adanai na Kasa, Dokta Dele Alake ya bayyana Amurka a matsayin aminiyar Najeriya da ta dade tana kulla dabarun bunkasa bangaren ma’adinai na kasa.
Alake da yake jawabi a lokacin da yake karbar bakuncin jakadan Amurkan David Greene a ofishin sa, Alake ya yabawa kudurin Amurka na samar da hadin gwiwa da Najeriya a bangarori daban-daban na tattalin arziki, inda ya bayyana cewa, hakan na nuni da muhimmancin da ke tattare da kyakyawar alaka tsakanin kasashen biyu.
“Na gode da ziyarar ku. Na sadu da Mataimakin Sakataren Harkokin Wajen Amurka kan Albarkatun Makamashi, Geoffrey Pyatt, a gefen taron Ma’adinai da Kuɗi a London a shekarar da ta gabata, kuma mun sami kyakkyawar haɗin kai. Na yi nazarin dukkan al’amuranmu, kuma a zahiri, muna son karkata tattalin arzikinmu daga man fetur.
“Ba don rayuwarmu ta tattalin arzikinmu kawai ba, har ma don dacewa da yanayin duniya don rage dumamar yanayi. Har ila yau, muna so mu kasance cikin shirin rage fitar da hayaki a duniya da kuma sanya sashen ma’adinan mu a taswirar duniya.
Muna da ma’adanai masu mahimmanci waɗanda ke cikin buƙatun kasuwanci a duniya, “in ji Alake.
formization na artisanal ma’adanai zuwa hadin gwiwa da sauransu.
” Bangaren hakar ma’adinai na samar da sahihiyar hanya ta habaka kasuwanci tsakanin Najeriya da Amurka, musamman ta fannin kara darajar da ta shafi sarrafa ma’adinan da aka hako da kafa masana’antu a nan.
“Muna kuma buƙatar tallafin kuɗi daga cibiyoyi daban-daban don ma’aikatanmu na cikin gida. Muna ba da abubuwan ƙarfafawa don saka hannun jari kamar cire haraji ga kayan aikin ma’adinai, manufar dawo da cikakken ribar zuwa ƙasashen gida da sauransu, “Dr. Alake ya jaddada.
Jami’in diflomasiyyar na Amurka ya tabbatar wa Ministan cewa kasarsa na nazarin zuba jari a cikin darajar ma’adinan Najeriya, yana mai nuni da cewa canjin makamashi a duniya daga albarkatun mai zuwa ma’adinan karafa ya sa ya zama wajibi kasashen biyu su yi amfani da fa’ida ta kwatankwacinsu don yin hadin gwiwa tare.
