A halin yanzu dai shugabannin ma’aikatan tsaro na Najeriya na ci gaba da amsa tambayoyi daga majalisar dokokin kasar kan halin rashin tsaro.
A ranar Larabar da ta gabata ne dai shugabannin tsaron suka isa zauren majalisar domin mayar da martani ga kudurin da majalisar dattawan ta dauka na tuhumar su.
A yau laraba da misalin karfe 12:39 ne suka shiga zauren majalisar domin ganawa da kwamitin majalisar dattawa akan harkokin tsaro.
Gayyatar majalisar dattawan da shugabannin jami’an tsaron suka amsa ya biyo bayan rashin tsaro da ake fama da shi, inda Abuja, babban birnin tarayya ya fara zama abin tsoro babba.
Ana kuma sa ran za su yi wa zauren majalisar bayanai kan yadda ‘yan bindiga da masu garkuwa da mutane suka kutsa cikin babban birnin tarayyar Abuja domin samun maslaha mai dorewa kan lamarin.
Sai dai kuma rashin tsaro ya daughter Wani salo ne yanzu a wasu sassan jihohin Kudu maso Yamma kamar Ekiti da Legas.
Majalisar dattijai ta yanke hukuncin bai daya bayan wani zaman gaggawa da ta yi a ranar farko na majalisar a ranar 30 ga watan Janairu, inda ta gayyaci hafsoshin tsaron kasar saboda tabarbarewar tsaro.
