El-Rufa’i
Majalisar Dokokin Jihar Kaduna ta buƙaci Ma’aikatar Kuɗi ta Jihar Kaduna da ta gabatar da cikakkun bayanai kan duk wani hada-hadar kuɗi a ƙarƙashin gwamnatin Nasir El-Rufai wanda ya mulki Kaduna tsakanin shekarar 2015 zuwa 2023.
Majalisar ta gabatar da buƙatar ne dangane da binciken da ake yi na duk wasu kuɗaɗe, rance da kwangilan da aka bayar ƙarƙashin gwamnatin tsohon gwamnan na wa’adi biyu.
Ku tuna cewa Gwamna Uba Sani ya zargi magabacin sa, El-Rufa’i kan ɗimbin bashin da ya bar masa.
Sani, wanda ya yi magana a yayin wani taro da aka yi a Kaduna, ya koka da yadda ba zai iya biyan albashin ma’aikata ba saboda baitulmali mara isasshen kuɗi da ya gada.
Bayan haka, Majalisar Dokokin Jihar Kaduna ta amince ta binciki gwamnatin El-Rufai, wanda ya kai ga kafa kwamitin bincike.
Magatakardar Majalisar, Sakinatu Idris, ta rubutawa Kwamishinan Kuɗi inda ta buƙaci takardun sadarwa da takardu masu alaƙa na hada-hadar kuɗi tsakanin watan Mayu 2015 zuwa Mayu 2023.
A cikin wasiƙar, majalisar ta umurci ma’aikatar da ta miƙa dukkan bayanan da suka shafi hada-hadar kuɗi ga kwamitin binciken da aka kafa domin binciken duk wasu kuɗi, rance da kwangila da aka bayar a ƙarƙashin gwamnatin El-Rufai.
Wasiƙar ta ce, “An umurce ni da in nemi ku tura wa Kwamitin Bincike takardun da aka jera da duk sauran takardun da kuke ganin sun dace da aikin kwamitin:
“Jimillar rance daga watan Mayun 2015 zuwa Mayun 2023 tare da amincewar Majalisar Dokokin Jihar Kaduna, asusun bankunan da aka shigar da rancen kuma aka cire su kamar yadda Sashin Kula da Kuɗin Aiki (PFMU) da Ofishin Kula da Bashi (DMO) suka yi rikodin.
“Bayanan tarukan Majalisar Zartaswa ta Jiha da suka dace, abubuwan da majalisar ta fitar da kuma ƙuduri game da rancen. (c) Biyan kuɗi da Basukan ƴan kwangila daga Mayu, 2015-Mayu, 2023.
“Bayanan albashi da aka biya ma’aikata daga 2016 zuwa 2022. (e) Rahoton Dloyd akan KADRIS daga 2015 zuwa 2023. (ii) Sharuɗɗa, Manufa da Sharuɗɗa akan waɗannan rancen. (iii) Abubuwan rabon da ke da alaƙa da rancen. (iv) Duk bayanan biyan kuɗin da aka yi wa duk ‘yan kwangilar da Gwamnatin Jiha ta ɗauka aiki da takardun da suka dace daga Mayu 2015 zuwa Mayu 2023 gami da Bayanan Banki.
“(v) Hanyoyin biyan kwangila. (vi) Takardun duk kuɗin da aka biya ƴan kwangilar. (vii) Sayar da Gidaje da Kadarorin Gwamnati da Asusun da aka shigar da kuɗaɗen da aka samu da kuma yadda aka kashe kuɗaɗen.
“Kwafi talatin (30) na sadarwar/takardun ya kamata su isa ofishin Magatakarda na Majalisa a ko kafin ranar Alhamis, 25 ga Afrilu 2024 da ƙarfe 10:00 na safe, don Allah. 4. Karɓi mafi girman gaisuwar ofishi na, don Allah.”
