Tattalin arziƙin Burtaniya ya faɗa cikin koma bayan tattalin arziƙi a cikin watanni uku na ƙarshe na shekarar da ta gabata, alƙaluman hukuma sun nuna tattalin arziƙin ƙasar ya ragu fiye da yadda ake tsammani.
Ɗaukacin darajan kayayyakin cikin gida (GDP) – muhimmin ma’auni na ayyukan tattalin arziƙi ya ragu da digo uku tsakanin watan goma da watan goma sha biyu
Hakan ya biyo bayan faɗuwa tsakanin bakwai da watan sha biyu. Ana ɗaukar Burtaniya zata kasance cikin koma bayan tattalin arziƙi idan GDP ya faɗi na tsawon watanni biyu a jere. Adadin dai zai zama cikas ga Firayim Minista Rishi Sunak.
Haɓaka tattalin arziƙin na ɗaya daga cikin alƙawura biyar da ya ɗauka a cikin watan daya na shekarar da ta gabata. A halin da ake ciki, ya rage ƙasa da makonni uku da Shugaba Jeremy Hunt ya ƙaddamar da sabon kasafin kuɗin shi.
Shugabar adawa, Rachel Reeves ta ce bayanan sun nuna cewa alƙawarin da Sunak ya yi na haɓaka tattalin arziƙin ya shiga “a cikin matsala”.
Gwamnati na iya amfani da GDP dake girma a matsayin shaida cewa tana yin kyakkyawan aiki na sarrafa tattalin arziƙin. Haka kuma, idan GDP ya faɗi, ‘yan siyasa na adawa zasu ce gwamnati na tafiyar da shi ba daidai ba.
Idan GDP yana ci gaba a hankali, mutane suna biyan haraji saboda suna samun kuɗi kuma suna kashewa. Wannan yana nufin ƙarin kuɗi ga gwamnati da za ta zaɓi ta kashe a ayyukan jama’a, kamar makarantu, ‘yan sanda da asibitoci.
Haka kuma gwamnatoci suna son sanya ido kan irin rancen da suke karɓa dangane da girman tattalin arziƙin ƙasar.
Majiyoyin baitul mali sun tabbatar wa BBC cewa Mista Hunt na duba wata babbar matsala a kan kashe kuɗaɗen jama’a a matsayin wata hanya ta rage haraji a cikin kasafin kuɗin ranar 6 ga Maris.
Hasashen kuɗaɗen jama’a ya taɓarɓare sosai a cikin ‘yan makonnin nan yayin da farashin kuɗin ruwa na bashin da gwamnatin Burtaniya ke karɓa ya ƙaru. Ba a yanke hukunci na ƙarshe ba.
Da yake tsokaci kan GDP, Mista Hunt ya ce: “Yayin da kuɗaɗen ruwa ke da yawa – don haka Bankin Ingila na iya kawo hauhawar farashin kayayyaki ƙasa – haɓaka kaɗan ba abin mamaki ba ne.”
Ya ƙara da cewa “akwai alamun tattalin arziƙin Birtaniyya na juyawa”.
Amma Mista Reeves ya ce: “Wannan koma bayan tattalin arziƙin Rishi Sunak ne kuma labarin zai kasance da matuƙar damuwa ga iyalai da kasuwanci a duk faɗin Biritaniya.”
Alƙaluma daga Ofishin Ƙididdiga na Ƙasa sun nuna cewa a cikin watanni uku na ƙarshe na shekarar da ta gabata, an samu koma baya a dukkanin manyan sassan da ta auna don gano lafiyar tattalin arzikin ƙasar da suka haɗa da gine-gine da masana’antu.
Adadin na watanni uku na ƙarshe na bara ya fi muni fiye da faɗuwar kashi 0.1% da kasuwannin hada-hadar kuɗi da masana tattalin arziƙi suka yi hasashen.
GDP na kwata na uku, tsakanin Yuli da Satumba ya faɗi da 0.1%.
Ruth Gregory, mataimakiyar shugabar tattalin arziƙi ta Burtaniya a fannin tattalin arziƙi, ta ce sabbin alƙaluman tattalin arziƙin “na iya dangana bankin Ingila kaɗan don rage yawan kuɗin ruwa”.
“Amma muna shakkar Bankin zai damu matuƙa game da abin da zai iya zama mai sauƙi da gajeren koma bayan tattalin arziƙi,” in ji ta.
Alƙaluma na baya-bayan nan sun nuna cewa hauhawar farashi – wanda ke auna saurin hauhawar farashin – ya kasance a 4% a cikin Janairu.
Bankin Ingila ya daɗe yana ɗaga farashin ruwa don taka birki kan hauhawar farashin kayayyaki amma ya ajiye su a kashi 5.25% tun watan Agustan bara. A cikin shekarar baki ɗaya, tattalin arziƙin ya ƙaru da kashi 0.1%.
Liz McKeown, darektan ƙididdigar tattalin arziƙi a Ofishin Ƙididdiga na Ƙasa (ONS) ya ce “Yayin da yanzu ya ragu kashi biyu a jere, a duk faɗin 2023 gaba ɗaya tattalin arziƙin kasar ya daidaita.”
Koyaya, ban da shekarun Covid, haɓakar shekara-shekara a shekarar da ta gabata ita ce mafi rauni tun 2009 lokacin da Burtaniya da manyan ƙasashe ke fama da rikicin tattalin arziƙin duniya.
